Ötən gecə Zaqatalanın Muxax kəndi ərazisindən keçən hissəsində marşrut mikroavtobusu ilə “Mercedes Vito” sərnişin nəqliyyat vasitələri toqquşmuş, xeyli insan yaralanmışdı.
Bəs yaralıların son durumu necədir?
Bu barədə Bizim.Media-nın yerli bürosunun sorğusuna cavab olaraq Zaqatala Rayon Mərkəzi Xəstəxanasından bildirilib ki, baş verən yol-nəqliyyat hadisəsi səbəbilə 9 nəfər (5 kişi, 4 qadın) Xəstəxananın təcili tibbi yardım şöbəsinə hospitalizasiya olunub.
Onların hər birinə zəruri tibbi xidmətlər göstərilib.
Hazırda bir nəfərin (kişi) müalicəsi müvafiq şöbədə davam etdirilir, vəziyyəti orta ağırdır.
Vəziyyətləri qənaətbəxş qiymətləndirilən 8 nəfər isə ambulator müalicə üçün evə buraxılıb.
Qeyd edək ki, yol-nəqliyyat hadisəsi gecə saatlarında Zaqatala şəhərindən toydan qayıdan zaman baş verib.
Qəza ilə bağlı araşdırma aparılır.
Tural Rasimoğlu, Bizim.Media, Şimal-Qərb bürosu
