Ötən gecə Lənkəranda baş verən ailədaxili mübahisə faciə ilə nəticələnib.
Bizim.Media-nın yerli bürosu xəbər verir ki, Liman şəhəri ərazisində 36 yaşlı Calal Abdullayev mübahisə zəminində kiçik qardaşı – 22 yaşlı Camal Abdullayevi bıçaqlayıb.
Ağır bədən xəsarətləri alan gənc dərhal Lənkəran Rayon Mərkəzi Xəstəxanasına çatdırılıb və əməliyyat olunub. Lakin həkimlərin səylərinə baxmayaraq, bu gün axşam saatlarında o, xəstəxanada dünyasını dəyişib.
Mərhumun meyiti aidiyyəti üzrə təhvil verilib.
Hadisəni törətməkdə şübhəli bilinən Calal Abdullayev polisə könüllü təslim olub.
Sabutay, Bizim.Media, Cənub bürosu
