Vaqif Səmədoğlunun yeni şeri sosial şəbəkələrdə paylaşılıb. Moderator.az sosial şəbəkələrdə müzakirə edilən şeri təqdim edir:
Ağrısız
Bir az yatmaq istəyirəm...
İlahi,
Yatağın nə sağında
Nə solunda,
Nə bir gözəlin qolunda
Yatmaq istəmirəm.
İlahi,
Nə söyüd kölgəsində,
Nə dünyanın ən azad ölkəsində
Yatmaq istəmirəm.
İlahi,
Dar quyu dibində,
Qaranlıq nəm içində,
İşıqlı qəm içində,
Ağrısız
Bir az yatmaq istəyirəm...































































































