Xəbər verdiyimiz kimi bu gün səhər saatlarında Bakının Suraxanı rayonunun Əmircan qəsəbəsində yerləşən 84 saylı orta məktəb yanıb.
Bizim.Media-nın əldə etdiyi məlumata görə, yanğın saat 08:15 radələrində məktəbin direktoru Şəfəq İbişovanın otağından başlayıb.
MÖVZU İLƏ BAĞLI:
Bakıda məktəb binasında yanğın oldu
Məktəbin ikinci mərtəbəsində yerləşən direktorun kabinetində elektrik naqillərində qısa qapanma baş verib.
Bu zamanı otaqda olan elektrik cihazı alovlanıb. Daha sonra alov otaqda olan kağızlara keçib. Tez bir zamanda yanğına müdaxilə olunub və şagirdlər dərhal məktəbdən təxliyyə edilib. Xəsarət alan olmayıb, binaya cüzi zərər dəyib.
Məlumata görə, hazırda təhsil ocağında aidiyyatı qurumlar tərəfindən yanğının səbəbilə bağlı araşdırma aparılır.
Vüsalə Balayeva, Bizim.Media
