Yanğın baş verən 84 saylı məktəbdə tədris distant formada davam edəcək.
Bu barədə Bizim.Media-ya Bakı Şəhəri üzrəTəhsil İdarəsindən məlumat verilib.
MÖVZU İLƏ BAĞLI:
Bakıda məktəb binasında yanğın oldu
Bildirilib ki, dekabrın 7-də səhər saatlarında Bakı şəhərindəki Aslan Muradov adına 84 nömrəli tam orta məktəbdə yanğın baş verib.
Yanğın məktəbin ikinci mərtbəsində baş verib. Məktəbin müəllim və şagird heyəti təxliyə olunub. Dövlət Yanğından Mühafizə Xidmətinin yanğından mühafizə bölmələri tərəfindən yanğın qısa müddət ərzində söndürülüb. Yanğın zamanı xəsarət alan olmayıb.
Bu gün məktəbdə dərslərin distant qaydada davam etdirilməsi nəzərdə tutulur.
Bizim.Media
