Beynəlxalq Antikorrupsiya Orqanları Assosiasiyasının (IAACA) videoformatda təşkil edilən ümumi yığıncağında rəhbərlik seçkisi keçirilib.
Bizim.Media xəbər verir ki, Azərbaycanın ədliyyə naziri Fikrət Məmmədov sözügedən təşkilatın vitse-prezidenti seçilib.
Tədbirdə çıxış edən nazir F.Məmmədov IAACA-nın qlobal antikorrupsiya fəaliyyətində mühüm rolunu qeyd edib, bu sahədə ölkəmizin təcrübəsini bölüşərək, dövlət başçısının rəhbərliyi ilə respublikamızda korrupsiyaya qarşı aparılan mübarizə tədbirlərindən bəhs edib.
MÖVZU İLƏ BAĞLI:
Fikrət Məmmədov Venesiyada Ermənistanın ədliyyə nazirini ifşa etdi – TUTARLI FAKTLARLA
Nazir Assosiasiyanın inkişafına bundan sonra da öz səylərini əsirgəməyəcəyini bildirib, IAACA-nın gələcək fəaliyyətinə dair təkliflər irəli sürüb.
Eyni zamanda, IAACA-nın Konstitusiyasına dəyişikliklərin edilməsi, qurumun Baş katibinin, fəxri üzv və müşavirlərin seçilməsi məsələsinə baxılıb, ölkəmizin təklifləri nəzərə alınmaqla müvafiq qərarlar qəbul olunub.
Elə həmin gün Assosiasiyanın yeni formalaşdırılmış İcraiyyə Komitəsinin iclası keçirilib.
IAACA-nın rəhbər orqanı olan Komitədə bütün qitələrdən, o cümlədən Avropadan İtaliya, İspaniya, Fransa, Azərbaycan və s. təmsil olunur.
Bizim.Media
