Qubada 17 şagird üçün yeni məktəb tikildi - FOTO

Qubanın dağlıq ərazidə yerləşən Qrız kəndində yeni inşa edilmiş modul tipli orta məktəb bu gündən şagird və müəllimlərin istifadəsinə verilib. 

Bizim.Media xəbər verir ki, uzun müddətdir qəzalı, köhnə məktəbdə dərs keçən şagirdlər bu gün böyük həvəslə yeni, müasir məktəbdə oxumağa başlayıblar. 

MÖVZU İLƏ BAĞLI:

Qubada tikilən yeni məktəbin FOTOLARI

Quba rayon təhsil şöbəsinin müdiri Rüfət Hacıyevin açıqlamasına görə, təhsil ocağında 17 şagird və 8 müəllim var.

Rüfət Hacıyev Qrız məktəbinin yeni binasının bir qədər gec istifadəyə verilməsinə yay aylarında tikinti zamanı binanın özülü qazılarkən qədim insan qəbirlərinin tapılmasının səbəb olduğunu da xatırladıb:

"Arxeoloqlar həmin ərazidə tikinti aparılmasını məqsədəuyğun hesab etmədilər,məktəb binası kəndin başqa ərazisində tikildi. Gecikmə bu səbəbdən oldu".

Qeyd edək ki, ötən həftə Qrız kəndində şagirdlərin qəzalı binada dərs keçmələri barədə də görüntülər yayılmışdı.

Aytəkin Alxaslı, Bizim.Media