Ümumdünya Səhiyyə Təşkilatının (ÜST) Azərbaycan nümayəndəliyinin təşkilatçılığı ilə Gəncədə konfrans keçirilib.
Bizim.Media xəbər verir ki, konfrans Avropa İttifaqı və ÜST-ün birgə icra etdikləri “Sağlamlıq üçün Həmrəylik Təşəbbüsü” layihəsi, “Aİ-ÜST COVID-19 peyvəndlərinin və peyvəndləşmənin tətbiqinə dəstək” aksiyası çərçivəsində keçirilmiş təlim proqramlarının aralıq nəticələrinin təqdim olunması məqsədi ilə baş tutub.
MÖVZU İLƏ BAĞLI:
ÜST rəsmisi: "Azərbaycanda "Omikron" ştammına rast gəlinməyib" - FOTO
ÜST-nin Azərbaycandakı Nümayəndəsi Hande Harmancı “Sağlamlıq üçün Həmrəylik Təşəbbüsü” layihəsi və Aİ-ÜST COVID-19 peyvəndlərinin və peyvəndləşmənin tətbiqinə dəstək aksiyası barədə tədbir iştirakçılarına ətraflı məlumat verib.
O bildirib ki, layihə çərçivəsində Azərbaycanın müxtəlif bölgələrində ümumilikdə 15 təlim mərkəzi yaradılıb. Bu mərkəzlərdəki təlim kursları çərçivəsində ümumilikdə 5240, COVID-19 vaksinasiyası üzrə 1850, təməl həyat dəstəyi üzrə 3000, təkmil həyat dəstəyi üzrə 190, COVID-19 xəstələrinin stasionarda idarəedilməsi üzrə isə 200 tibb işçisi təlim keçib.
Tədbirin davamında ÜST-nin Ölkə Ofisinin layihə rəhbərləri Azərbaycanda tibb işçiləri üçün COVID-19 ilə bağlı Davamlı Peşəkar İnkişafa dəstək çərçivəsində həyata keçirilmiş tədbirlərin aralıq qiymətləndirilməsini təqdim ediblər.
Bizim.Media
