Son 10 ildə ölkəmizdə 3100 məktəb tikilib.
Sfera.az bildirir ki, bu barədə Təhsil Nazirliyindən sorğumuza cavab olaraq bildirilib.
Məlumata görə, təkcə ötən il ərzində 100-dən artıq modul tipli məktəb tikilib. Bu il isə 137 modul tipli məktəbin inşası planlaşdırılır.
Nazirlikdən bildirilib ki, bunun üçün artıq müvafiq dövlət vəsaiti də ayrılıb.
Qeyd edək ki, ümumilikdə Təhsil Nazirliyi və yerli idarəetmə strukturlarının birgə rəyi ilə yerlərdə məktəb tikilməsi zərurəti ilə bağlı təhlillər edilir və buna müvafiq olaraq məktəb tikintisi aparılır.
