Azərbaycan Velosiped Federasiyasının yeni prezidenti Mədət Quliyev idmançılar üçün veriləcək mükafatları müəyyənləşdirib.
Bizim.Media xəbər verir ki, sosial şəbəkələrdə yeni mükafatlar barədə velosipedçilərin məşq etdiyi zalların girişinə yerləşdirilən məlumat lövhəsinin fotosu paylaşılıb.
Lövhədən görünür ki, Olimpiya, dünya və Avropa çempionu olan idmançıya “Mercedes-Benz A-Class” və ya "BMW" 7-ci seriya avtomobil, Bakı şəhərində 5 otaqlı mənzil, 100 min manat mükafat, ayda 3 min manat olmaqla illik 36 min manatlıq maddi yardım veriləcək.
MÖVZU İLƏ BAĞLI:
Mədət Quliyev federasiya prezidenti seçildi
İkinci yerin sahibi “Mersedes E-Class” və ya "BMW "5-ci seriya avtomobil, Bakı şəhərində 4 otaqlı mənzil, 70 min manat mükafat və ayda 2 min olmaqla 24 min manatlıq maddi yardım, bürünc mükafatçı isə “Mersedes C-Class” və ya "BMW" 3-cü seriya avtomobil, Bakıda 3 otaqlı mənzil, 50 min manatlıq mükafat və ayda min manat olmaqla illik 12 min manat maddi yardım əldə edəcək.
Xatırladaq ki, Mədət Quliyev həm də müdafiə sənayesi naziridir.
Bizim.Media
