Maştağada 8 evdən oğurluq edənlər saxlanıldı - VİDEO

Maştağada 8 evdən oğurluq edənlər saxlanıldı - VİDEO

Hazırda oxunan: Maştağada 8 evdən oğurluq edənlər saxlanıldı - VİDEO

49447

Sabunçu rayonu Maştağa qəsəbəsi ərazisində yerləşən Savalan və Daş Karxanası yaşayış massivlərində son bir neçə ay ərzində mənzillərdən silsilə oğurluqlar edən şəxslər saxlanılıblar.

Bu barədə Bizim.Media-ya Daxili İşlər Nazirliyinin (DİN) Mətbuat Xidmətindən məlumat verilib.

Sabunçu Rayon Polis İdarəsinin 14-cü Polis Bölməsinin əməkdaşlarının həyata keçirdikləri əməliyyat zamanı qeyd edilən hadisələri törətməkdə şübhəli bilinən Tuncay Həsənov, Şakir Vahablı və Qurban Məmmədov tutularaq istintaqa təqdim ediliblər.

Araşdırma zamanı onların qeyd edilən ərazilərdə müxtəlif vaxtlarda 8 evdən pul və qızıl-zinət əşyaları oğurladıqları müəyyən edilib. Saxlanılan şəxslər törətdikləri oğurluq hadisələrini etiraf ediblər.

Qeyd olunan faktlarla bağlı 14-cü Polis Bölməsində toplanan materiallar araşdırmaların davam etdirilməsi üçün Sabunçu Rayon Polis İdarəsinin İstintaq Şöbəsinə göndərilib. Zəruri istintaq tədbirləri davam etdirilir.

Bizim.Media

 

 

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO