Balqabaq təbitən insanlara bəxş etdiyi təbii dərmandır. Bu tərəvəz müxtəlif faydalı maddələrlə olduqca zəngindir və insan sağlamlığına çox müsbət təsir edir. Zəngin tərkib balqabağı insanın müxtəlif orqan və sistemləri üçün çox faydalı edir.
Bizim.Media bu möcüzəli tərəvəzin mühüm faydalarını təqdim edir:
Həzm sistemində...
Balqabaq mədə-bağırsaq traktının işini normallaşdırmağa kömək edir. Bədən tərəfindən yaxşı əmilir və eyni zamanda ondan zərərli maddələri çıxarır. Həmçinin, bu tərəvəz həm ishala, həm də qəbizliyə kömək edir. Buna görə də qidanın müntəzəm istifadəsi mədə və bağırsaqların işini əhəmiyyətli dərəcədə yaxşılaşdıra bilər.
MÖVZU İLƏ BAĞLI:
Bu il Azərbaycanda “SPİD”ə yoluxanların sayı 522 nəfər artıb – Bu xəstələr COVİD-dən necə qorunur?
Maddələr mübadiləsinə təsiri...
Balqabaq çox yaxşı sorulduğundan və üstəlik çoxlu miqdarda K vitamini ehtiva etdiyi üçün onun istifadəsi maddələr mübadiləsini yaxşılaşdırmağa kömək edir. Bunun sayəsində toksinləri orqanizmdən təmizləyir və piylənmənin qarşısını alır. Buna görə balqabaq bütün növ pəhrizlərə daxil edilir. Digər mühüm xüsusiyyət isə balqabağın allergik reaksiyalara və digər yan təsirlərə səbəb olmamasıdır, ona görə də demək olar ki, hər kəs ondan istifadə edə bilər.
Qan dövranı sistemi üçün faydaları...
Balqabağın tərkibində hematopoetik prosesə faydalı təsir göstərən bir çox elementlər var, xüsusən də - fosfor, mis və dəmir. Bu maddələrin kifayət qədər miqdarı yüksək hemoglobinin açarıdır və bu da öz növbəsində maddələr mübadiləsini və ümumi əhval-ruhiyəni yaxşılaşdırmağa kömək edir. Bundan əlavə, balqabaq qanın laxtalanmasını normallaşdırır, bu da qan laxtalanma riskini azaldır.
İmmunitet sisteminin gücləndirilməsi...
Balqabağın tərkibib vitaminlərlə zəngindir. Onların arasında B, C, PP qrupunun, həmçinin nadir K və T vitaminləri var. Bundan əlavə, bu tərəvəzin tərkibində çoxlu mikroelementlər (sink, fosfor, maqnezium, dəmir, mis), zülallar, karotin, pektinlər, liflə də zəngindir. Bu maddələr, eləcə də antioksidantlar orqanizmimizin immun sistemini gücləndirir. Buna görə də, soyuq fəsillərdə balqabaq yemək xüsusilə vacibdir, bu, qrip epidemiyalarından və digər kəskin respirator virus infeksiyalarına mübarizəyə qarşı effektiv vasitəlrədən biridir.
Kosmetologiyada balqabaq...
Balqabaqdan həmçinin üz maskalarının tərkib hissəsi kimi də istifadə edilir. Bu tərəvəz dərinin sağlamlığını, nəmləndirməsini və təmizlənməsini təşviq edir.
Pəhrizlərdə rolu...
Balqabaq çox doyurucudur və kalorisi çox aşağıdır. Onun enerji dəyəri 100 qram məhsula 22 kaloridir. Dietoloqların bu tərəvəzi tez-tez xəstələrinin pəhrizinə daxil etməsi təəccüblü deyil. Onun universal məhsul olması xüsusilə yaxşıdır: onu qaynatmaq, sobada bişirmək, olar. Balqabaqdan həmçinin sıyıq və bir çox başqa yeməklər hazırlamaq olar.
Ürək-damar sistemi üçün...
Balqabağın tərkibində çoxlu kalium var və o, ürəyin işinə yaxşı təsir edir. O, həmçinin şişkinliyi azaldır və bu da öz növbəsində ürəyin fəaliyyətini yaxşılaşdırır.
Xolesterol
Balqabaq qanda xolesterinin səviyyəsini aşağı salmağa kömək edir. Bu çox vacibdir, çünki onun artıqlığı infarkt və ürək-damar sisteminin digər təhlükəli xəstəliklərinin əsas səbəbidir. Ona görə də yağlı qidaların və “fast food”ların qəbulunu azaltmağı, həmçinin balqabaqlı yeməkləri daha tez-tez yemək tövsiyyə olunur.
Balqabağın kişil və qadınlar üçün faydaları...
Balqabağın kişilər və qadınlar üçün eyni dərəcədə faydalıdır. Bu tərəvəzin qəbulu cinsi istəyi stimullaşdırmaqla yanaşı, cinsiyyət orqanlarının sağlamlığını da qoruyur. Yeri gəlmişkən, balqabaq toxumu bu baxımdan ən effektiv vasitədir.
Mərkəzi sinir sistemi...
Balqabaq stressi aradan qaldırmaq və sinir sistemini sakitləşdirmək qabiliyyətinə malikdir. Üstəlik, şirin olduğu üçün insan əhvalını da yaxşılaşdırır.
Vüsalə Balayeva, Bizim.Media
