Bir nəfəri öldürüb, digərini yaralayan şəxslə bağlı MƏHKƏMƏ QƏRARI

Bakı Apellyasiya Məhkəməsində qətl törətməkdə təqsirləndirilən Tofiq Əlixanovun barəsində olan hökmdən verilən apellyasiya şikayətinə baxılıb.

Bizim.Media xəbər veri ki, hakim İlqar Murquzovun sədrliyi ilə keçirilən prosesdə qərar elan olunub.

Qərara əsasən, T.Əlixanovun apellyasiya şikayəti təmin edilməyib.

İttihama görə, 2020-ci il oktyabrın 8-də gecə saat 02.00-da Qaradağ rayonun Müşfiqabad qəsəbəsi ərazisində Qobustan rayon sakini, 1981-ci il təvəllüdlü Məqatil Zeynalovun qarın və qol nahiyəsindən bıçaq xəsarətləri olan cəsədi qəsəbənin küçəsində tapılıb.

Bundan əlavə, M.Zeynalovun 1998-ci il təvəllüdlü həmyerlisi Murad Bəhramov ağır yaralı vəziyyətdə olub. O, Qaradağ rayon xəstəxanasına aparılıb.

Qətldə şübhəli bilinən şəxs avtomobillə hadisə yerindən qaçıb. Bu, yaxınlıqda quraşdırılmış təhlükəsizlik kamerası tərəfindən qeydə alınıb.

Məlum olub ki, saxlanılan şəxs əvvəllər hakimiyyət nümayəndələrinə müqavimət göstərdiyinə görə məhkum olunmuş Bakı şəhər sakini, 1983-cü il təvəllüdlü T.Əlixanovdur.

Araşdırma zamanı məlum olub ki, həmin şəxslər arasındakı münaqişə münasibətləri müəyyənləşdirmə əsasında baş verib. Belə ki, qarşılıqlı təhqirdən sonra T.Əlixanov komendant saatı olmasına baxmayaraq, M.Zeynalovu danışmaq üçün görüşə çağırıb.

Buna görə də onların arasında dava böyüyüb və qətl hadisəsi baş verib. İstintaq orqanı tərəfindən T.Əlixanovun barəsində müxtəlif maddələrlə ittiham elan edilib.

Bizim.Media