Vətən Müharibəsi Qəhrəmanı, şəhid Şahin Allahyarovun adının Quba şəhərindəki tisaslaşdırılmış Olimpiya Ehtiyatları Uşaq-Gənclər İdman Məktəbinə verilməsinə həsr edilən mərasim keçirilib.
Bizim.Media xəbər verir ki, tədbir iştirakçıları əvvəlcə Şahin Allahyarovun Zizik kənd qəbristanlığındakı məzarını ziyarət ediblər.
MÖVZU İLƏ BAĞLI:
Qubada şəhidlərin xatirəsinə inşa edilən abidənin açılışı oldu - FOTO
Mərasimdə çıxış edən Quba rayonun icra başçısının birinci müavini Tariyel İbrahimov Dövlət Sərhəd Xidmətinin baş giziri olmuş Şahin Allahyarovun Vətən müharibəsində xüsusi şücaət göstərdiyini bildirib.
O, qeyd edib ki,Şahin Allahyarov ölümündən sonra Azərbaycan Prezidenti İlham Əliyevin sərəncamı ilə Vətən Müharibəsi Qəhrəmanı adına layiq görülüb.
Həmçinin, Qubadakı şahmat məktəbinə şəhidin adı verilib.
Qeyd edək ki, Vətən Müharibəsi Qəhrəmanı Şahin Allahyarov ölümündən sonra sosial şəbəkələrdə həyat yoldaşına etdiyi vəsiyyətlə yadda qalıb.
O, oğlu olarsa, öz adının qoyulmasını tapşırmışdı. Həyat yoldaşı şəhidin vəsiyyətinə əməl edərək, yeni doğulan körpəsinə Şahin adını vermişdi.
Aytəkin Alxaslı, Bizim.Media
