"Bir döyüşçü üçün də ən böyük şərəf hədəfdə şəhid olmaqdır, Vüsal hədəfdə şəhid oldu”.
Bizim.Media xəbər verir ki, bu ifadələr bu gün ARB TV-nin efirində yayımlanan “Günə doğru” verilişində şəhid Vüsal Məmmədovun xatirələrindən danışarkən bildirilib.
Şəhidin dostu Etibar Hüseynov onu belə xatırlayıb: “Komandirlərindən bir söz var ki, Vüsalın sözünün qabağına söz deyən yox idi. Ona görə yox ki, Vüsaldan qorxurdular, ona görə ki, Vüsala hörmət edirdilər, rəğbət bəsləyirdilər".
"Tabor komandirləri yaralandı, Vüsal qolundakı bandajı açıb onun başına bağladı, amma halbuki öz qolundan qan fışqırırdı. Bir döyüşçü üçün də ən böyük şərəf hədəfdə şəhid olmaqdır, Vüsal hədəfdə şəhid oldu”.
Eyni zamanda şəhidin ailəsi də verlişdə onunla bağlı hisslərini bölüşüblər.
Bizim.Media
