Moderator.az xəbər verir ki, Gəncədə H.Əliyevin anadan olmasının 91 illiyinə həsr olunan ağacəkmə kampaniyasına yekun vurulub. Gəncə Şəhər İcra Hakimiyyətinin başçısı Elmar Vəliyev aksiya çərçivəsində H.Əliyevin adını daşıyan park- kompleksdə 91 mininci ağacı əkib.
Ağacəkmə aksiyası şəhərin üç istiqamətində həyata keçirilib. Kampaniya çərçivəsində şəhərin Göygöl, Şəmkir yolu, Yevlax istiqamətlərində girişlərində 91 min şam və çinar ağacları əkilib. Həmin ərazilərə yeni, yerli iqlim şəraitinə uyğun tinglər də basdırılıb və əkilən ağaclar suvarılıb. Aksiyada Gəncə şəhərində fəaliyyət göstərən universitetlər, idarə, müəssisə, ictimai birliklər və gənclər təşkilatları yaxından iştirak ediblər.
Ərazilər alaq otlarından təmizlənib və əvvəllər basdırılan tinglərə aqrotexniki qulluq göstərilib. Qeyd edək ki, ağacların avtomatik damcı üsulu ilə suvarılması üçün xüsusi qurğular qurlaşdırılıb.
