Azərbaycan Respublikasının Prezidenti İlham Əliyev noyabrın 3-də Nizami Gəncəvi Beynəlxalq Mərkəzinin həmsədrləri Vayra Vike-Freyberqanı və İsmail Serageldini, keçmiş dövlət və hökumət başçılarını, Mərkəzin İdarə Heyətinin üzvlərini qəbul edib.
Bizim.Media xəbər verir ki, Nizami Gəncəvi Beynəlxalq Mərkəzinin İdarə Heyətinin üzvləri Mərkəzin fəaliyyətinə göstərdiyi diqqətə və dəstəyə görə Prezident İlham Əliyevə minnətdarlıqlarını bildirdilər.
44 günlük Vətən müharibəsi zamanı Mərkəzin İdarə Heyətinin üzvlərinin Azərbaycanın haqlı və ədalətli mövqeyini dəstəkləyən çoxsaylı bəyanatlarla çıxış etdikləri qeyd olundu.
Nizami Gəncəvi Beynəlxalq Mərkəzinin beynəlxalq təsisat kimi dünyada rolunun və nüfuzunun artması xüsusi vurğulandı.
Söhbət zamanı noyabrın 4-dən 6-dək “COVID-19-dan sonrakı dünya” adı altında keçiriləcək VIII Qlobal Bakı Forumunun çox aktual mövzuya həsr olunduğu qeyd edildi. Nizami Gəncəvi Beynəlxalq Mərkəzinin İdarə Heyətinin üzvləri pandemiyaya baxmayaraq, Mərkəzin aktiv fəaliyyət göstərməkdə davam etdiyini, çoxsaylı konfranslar keçirdiyini və digər beynəlxalq təşkilatlarla əməkdaşlığı inkişaf etdirdiyini bildirdilər.
Forum çərçivəsində Mərkəzin İdarə Heyətinin üzvlərinin və digər iştirakçıların Azərbaycanın mədəniyyət paytaxtı Şuşaya səfər edəcəkləri vurğulandı.
Bizim.Media
![İlham Əliyev Nizami Gəncəvi Beynəlxalq Mərkəzinin rəsmilərini QƏBUL ETDİ İlham Əliyev Nizami Gəncəvi Beynəlxalq Mərkəzinin rəsmilərini QƏBUL ETDİ](https://bizim.media/file/articles/2021/11/03/1635931373_a4a84c77-5aab-35ef-9fd4-f7b07d84beb5_850.jpg)
- A-
- A
- A+
Cəmiyyət
13:19 / 03.11.2021
İlham Əliyev Nizami Gəncəvi Beynəlxalq Mərkəzinin rəsmilərini QƏBUL ETDİ
Hazırda oxunan: İlham Əliyev Nizami Gəncəvi Beynəlxalq Mərkəzinin rəsmilərini QƏBUL ETDİ
Hazırda oxunan: İlham Əliyev Nizami Gəncəvi Beynəlxalq Mərkəzinin rəsmilərini QƏBUL ETDİ
44471
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.