Yüksək məbləği ödəməyən xəstələr hospitalın “VİP korpus”undan çıxarılıb – DETALLAR 

FHN-in Modul Tipli Hospitalının baş həkimi İmran Ağayev və müəssisənin vəzifəli şəxsləri - Rüfət Vəlizadə, Taleh İmanlı və Qulu Orucovun cinayət işi üzrə məhkəmə istintaqı başlayıb. 

Bizim.Media xəbər verir ki, Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən iclasda hospitalın prokuror ittiham aktını elan edib. 

İttihama görə, İmran Ağayev hospitala gətirilən koronavirus xəstələrini boş otaqların olmamasını əsas gətirərək ya qəbul etməyib, ya da qəbulunu ləngidib. Amma özünün direktoru olduğu “Medi Style” MMC-dən göndərilən xəstələrin pul qarşılığında qəbulunu tezləşdirib. 

İmran Ağayev baş həkim vəzifəsini icra edən zaman 140 nəfər xəstədən cəmi 51 min manatdan çox pul alıb. Həmin məbləğin 7500 manatı MMC-nin rəsmi dövriyyəsinə salınıb. Qalan məbləğ İmran Ağayev tərəfindən şəxsi ehtiyaclara xərclənib. 

Bundan başqa İ.Ağayev Hospitalda Nəqliyyat şöbəsinin rəhbəri olmuş Rüfət Vəlizadə ilə də birgə cinayət əməlləri törədib.

Belə ki, xəstələrin daha yüksək səviyyəli tibbi və sair təminatla təchiz edilmələri müqabilində onların yaxınlarından müxtəlif məbləğlərdə pul vəsaiti rüşvət qismində yığılıb. Bu məbləğ minimum 500 manat, maksimum isə 4 min manat civarında olub. 

Hospitalın “VİP korpus”unda qiymət çox zaman 3000 manat olaraq xəstə yaxınlarına təklif edilib. Həmin məbləği ödəyə bilməyən xəstələr hospitalın “VİP korpus”undan çıxarılıb. Proses 14 oktyabrda davam etdiriləcək. 

Bizim.Media