Qubada DİN-in şəhid hərbi qulluqçusu BELƏ YAD EDİLDİ - FOTO

Daxili Qoşunların şəhid olmuş hərbi qulluqçusu, baş çavuş Əsgər Əhmədkişi oğlu Əhmədovun ildönümü doğulduğu Qubanın Paşaoba kəndində qeyd edilib.

Bizim.Media xəbər verir ki, 2020-ci il oktyabrın 5-də Cəbrayılda şəhid olan Əsgər Əhmədovun anım mərasimində rayon rəsmiləri, DİN-nin Mütəşəkkil Cinayətkarlığa və Banditizmə Qarşı Mübarizə idarəsinin rəisi, general Əbülfət  Rzayev və sakinlər iştirak ediblər. 

Quba İH başçısı Ziyəddin Əliyev, DİN--nin idarə rəisi Əbülfət  Rzayev şəhidin atası Əhmədkişi Əhmədova başsağlığı verib, belə bir igid hərbçi yetişdirdiyi üçün ona təşəkkür ediblər.  

Anım mərasimində şəhidin məzarı ziyarət olunub, önünə gül dəstələri və əklil qoyulub.

Aytəkin Alxaslı, Bizim.Media