ÜST-dən ÇAĞIRIŞ: “Antibiotiklərin sərbəst satışına qadağa qoyulmalıdır”

Apteklərdə antibiotiklərin həkim tərəfindən təyin olunmadan satışına məhdudiyyət qoyulmalıdır. 

Bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı Bizim.Media-ya müsahibəsində deyib:

“Hər antibiotik hər mikrobun müalicəsində xeyirli deyil. Bunu ancaq tibb işçiləri təyin edə bilir. Özbaşına, eləcə də mövcud infeksiyaya qarşı uyğun olmayan antibiotiklərin istifadəsi əks təsir göstərir. Mikrobların orqanizmdə daha çox qalmasına səbəb olur”.

''ÜST nümayəndəsi qeyd edir ki, yanlış antibiotik istifadəsindən davamlılıq qazanan mikrobların müalicəsi sonra bir az da çətinləşir''.

''Hətta çox önəmsiz mikroblardan belə insanlar həyatını itirə bilir''.

Hazırda koronavirus xəstələrinin ev şəraitində özlərini antibiotiklərlə müalicə etməyə çalışdığını vurğulayan H.Harmancı bildirir ki, yanlış seçilmiş preparat xəstəliyi daha da ağırlaşdırır. Bu baxımdan antibiotiklərin satışına nəzarət gücləndirilməlidir.

Təranə Mirzəyeva, Bizim.Media