Hazırda dünyanın müxtəlif ölkələrində kənd təsərrüfatı məhsullarına ciddi ziyan vurmaq potensialına malik bitki mənşəli viruslar yayılır.
Virusun yayılmasının əsas mənbəyi yoluxmuş toxumlardır.
Bizim.Media-ya bu barədə Azərbaycan Qida Təhlükəsizliyi Agentliyindən (AQTA) verilən məlumatda bildirilib.
Qeyd olunub ki, Agentlik tərəfindən yalnız gömrük rəsmiləşdirilməsindən keçərək idxal olunmuş toxumlara nəzarət edilir: “Hazırda ölkəyə əl yükləri və poçt daşımaları vasitəsilə dövlət reyestrində qeydiyyatda olmayan və sınağa cəlb edilməmiş toxumlar da daxil olur”.
MÖVZU İLƏ BAĞLI:
Virusun qarşısını almaq üçün idxal olunan toxumlar yoxlanılır? - AÇIQLAMA
Agentlik bu sahədə fəaliyyət göstərən sahibkarları müvafiq müayinələrdən keçməmiş və qanunsuz yollarla ölkəyə gətirilən toxumlardan istifadə etməməyə çağırıb:
“Toxumların əl yükləri və minik avtomobilərinin yük yerlərində ölkəyə gətirilməsi yolverilməzdir və bu kimi halların qarşısını almaq üçün qanunvericilik çərçivəsində ən sərt tədbirlər həyata keçiriləcək”.
Bizim.Media
