Şəmkirdə avtomobil piyadanı vurub hadisə yerindən qaçıb.
Bizim.Media-nın yerli bürosunun məlumatına görə, hadisə Bakı-Qazax avtomagistralının rayonun ərazisindən keçən hissəsində baş verib.
Hərəkətdə olan naməlum avtomobil yolu qarşı tərəfə keçmək istəyən rayon sakini, 1990-cı il təvəllüdlü D. Hüseynovu vurub.
Piyada aldığı ağır xəsarətlərdən hadisə yerində vəfat edib. Məlumata görə, piyadanı vuran avtomobilin sürücüsü hadisə yerindən qaçıb. Onun müəyyənləşdirilməsi istiqamətində hüquq-mühafizə orqanlarının əməkdaşları əməliyyat axtarış tədbirləri həyata keçirir.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
