Tovuzda hərəkətdə olan avtomobil sürücünün idarəetməni itirməsi nəticəsində yüksək gərginlikli elektrik xətlərini saxlayan dirəyə çırpılıb.
Bizim.Media-nın yerli bürosunun məlumatına görə, hadisə rayonun Yuxarı Öysüzlü kəndində baş verib.
Kənd sakini Sədrəddin İbrahimov idarəetdiyi "Hyundai" markalı avtomobili işıq dirəyinə çırpıb.
Qəza zamanı xoşbəxtlikdən sürücü ciddi xəsarət almasa da kəndin enerji təchizatına ciddi zərər dəyib.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
