Qusarın Ləzə kəndində vəziyyət daha da pisləşib. Belə ki, gecə saat 12-dən səhər saat 5-dək yenidən güclü palçıq qatı gəlib.
Bunu Bizim.Media-ya Qusar FHK-nın sədri, icra başçısının 1-ci müavini Şahid Fərəməzov deyib.
O bildirib ki, 3 ev artıq gecə ikən boşaldılıb, sakinlər evlərindən çıxarılıb, hələlik qonşuların evində yerləşdirilib.
Qusar FHK-nın sədri gecə Ləzəçayda 4 texnikanın işlədiyini deyərək təmizləmə və çayın məcrasının dəyişdirilməsi istiqamətində işlərin davam etdirildiyini bildirib.
Onun sözlərinə görə, vəziyyət ciddi nəzarətə götürülüb.
Aytəkin Alxaslı, Bizim.Media, Şimal bürosu
