İstilik vaxtından tez verilə bilər – RƏSMİ AÇIQLAMA

İstilik mövsümün başlanmasına sayılı günlər qalır. Ölkədə bununla  bağlı hazırlıq işlərinə başlanılıb.

Bu barədə "Azəristiliktəchizat" ASC-nin mətbuat katibi Elvin Basqallı Bizim.Media-ya açıqlamasında bildirib.

Qurum rəsmisi deyib ki, ötən mövsüm yekunlaşandan növbəti mövsümə qədər işlər davam edir:

“Xətlər yoxlanılır, yaranan problemlər aradan qaldırılır, əsaslı və cari təmir işləri həyata keçirilir, qazanxanadakı avadanlıqlar yoxlanılır, sazlama işləri aparılır”.

Bəs havalar kəskin soyuyarsa, istilik mövsümünün noyabrın 15-dən daha tez başlaya bilər?

“Ötən istilik mövsümü aprelin 15-i dayanmalı olsa da  hava şəraitiylə əlaqədar bir neçə gün uzadıldı. Hazırda isə 2 ay vaxt qaldığına görə perspektivdə vaxtın dəyişməsi kimi  plan yoxdur”, - deyə Elvin Basqallı bildirib.

Nəzrin Mirzəyeva, Bizim.Media