Yaponiyada yetişdirilən xüsusi “Günəş yumurtası” manqosu dünyanın ən bahalı meyvəsi sayılır.
Bizim.Media xəbər verir ki, bu meyvənin cütü hərracda təxminən 6.400 manata satılıb.
Bu mango qırmızı rəngi, qüsursuz qabığı və çox şirin dadı ilə seçilir.
"Günəş yumurtası" xüsusi istixanalarda yetişdirilir. Ona günəş işığı bərabər düşsün deyə hər biri budaqdan asılır. Böyüməsi üçün arılarla tozlanma da təmin olunur.
Hər manqo bu ada layiq görülmür, yalnız keyfiyyət və şirinlik baxımından ən yaxşı olanlara “Günəş yumurtası” deyilir.
Yaponiyada bahalı meyvələr hörmət və sayğı simvolu kimi hədiyyə edilir. Məhdud sayda istehsal və böyük tələb qiymətləri rekord həddə qaldırır. (News24.az)
Bizim.Media
