Tanınmış oftalmoloq, “Universal” hospitalın rəhbəri və baş həkimi Aytən Sultanovanın son durumu açıqlanıb.
MÖVZU İLƏ BAĞLI:
Mədəkiçiltmə əməliyyatından sonra ağır duruma düşən Aytən Sultanovanın vəziyyəti AÇIQLANDI – RƏSMİ
Bu barədə Bizim.Media-nın sorğusuna cavab olaraq, Mərkəzi Klinik Xəstəxanadan məlumat verilib.
Məlumatda bildirilir ki, onun vəziyyətində hələlik müsbətə doğru dəyişiklik yoxdur:
“Aytən Sultanovanın müalicəsi Mərkəzi Klinikanın ümumi reanimasiya və intensiv terapiya şöbəsində davam etdirilir. Onun vəziyyəti ağır stabil olaraq qalmaqdadır”.
Xatırladaq ki, mədəkiçiltmə əməliyyatı keçirən A.Sultanovanın səhhəti bir neçə gün öncə kəskin pisləşib. O, əvvəlcə “Universal” hospitalın reanimasiya şöbəsinə, daha sonra isə Mərkəzi Klinik Xəstəxananın Reanimasiya və intensiv terapiya şöbəsinə yerləşdirilib.
Naibə Məmmədova, Bizim.Media
