Bakı-Sumqayıt avtomobil yolunun Ceyranbatan qəsəbəsindən keçən hissəsində iki nəqliyyat vasitəsinin iştirakı ilə yüngül maddi ziyanla nəticələnən yol-nəqliyyat hadisəsi baş verib.
MÖVZU İLƏ BAĞLI:
Sumqayıt-Bakı yolunda AĞIR TIXAC – Hərəkət tam dayandı – VİDEO
Bizim.Media xəbər verir ki, bu barədə Baş Dövlət Yol Polisi İdarəsi məlumat yayıb.
Bildirilib ki, sürücülər avtomobilləri yolun hərəkət hissəsindən kənara çəkmədiklərinə görə nəqliyyatın hərəkətində sıxlıq yaranıb. Yol polisi əməkdaşlarının müdaxiləsindən sonra avtomobillər kənara çəkilib və hərəkət tam bərpa olunub.
Qeyd edək ki, bu gün Sumqayıt-Bakı yolunun Ceyranbatan su anbarının yaxınlığından keçən hissəsində böyük tıxac yaranıb. Nəticədə avtomobillərin hərəkəti 1 saata yaxın dayanıb.
Bizim.Media
