Ağsuda ölümlə nəticələnən yol-nəqliyyat hadisəsi baş verib.
Bizim.Media-nın Aran bürosu xəbər verir ki, hadisə bu gün səhər saat 07 radələrində Şamaxı-Padarçöl yolunun Ağsu rayonunun Navahı kəndi ərazisindən keçən hissəsində qeydə alınıb.
Belə ki, qəza zamanı “VAZ-2106” və “Shacman” markalı yük avtomobili toqquşub. Nəticədə “VAZ-2106”da olan Sadıqov İsa Mirələm oğlu hadisə yerində ölüb və ilkin məlumata sürücünün oğlu 1992-ci il təvəllüdlü Sadıqov Bəhlul İsa oğlu xəsarət alıb.
DİN-in Mətbuat Xidmətinin regional qrupundan sorğuya cavab olaraq bildirilib ki, faktla bağlı cinayət işi başlanılıb, araşdırmalar aparılır.
Bizim.Media, Aran bürosu
