Birinci Qarabağ müharibəsinin itkin şəhidi Qaxda torpağa tapşırıldı - FOTO

Birinci Qarabağ müharibəsinin itkin şəhidi Qaxda torpağa tapşırıldı - FOTO

Hazırda oxunan: Birinci Qarabağ müharibəsinin itkin şəhidi Qaxda torpağa tapşırıldı - FOTO

267702

Hərbi xidmətə yollandıqdan və itkin düşdükdən 32 il sonra nəşi taplan şəhidin dəfnində izdiham yaşanıb.

Bizim.Media-nın yerli bürosu xəbər verir ki, Birinci Qarabağ müharibəsində itkin düşmüş hesab olunan Natiq Kərimovun nəşinin qalıqları bu gün Qax rayonunun Oncallı kəndində torpağa tapşırılıb.

Azərbaycanın üçrəngli bayrağına bükülən cənazə kənd qəbiristanlığana aparılarkən yüzlərlə insanın müşayiəti ilə vətənpərvərlik şüarları səsləndirilib.

Daha sonra dəfn mərasimi təşkil edilib. Burada rayon rəhbərliyi, hüquq-mühafizə orqanlarının əməkdaşları, şəhidin ailə üzvləri və kənd sakinləri, qonşu rayonlardan gəlmiş şəhid ailələrinin üzvləri və qazilər iştirak ediblər.

Dəfn mərasimi yaylım atəşləri altında icra olunub. Tabuta bükülən Azərbaycan Bayrağı şəhidin qardaşı Rəsul Kərimova verilib.

Qeyd edək ki, şəhid Natiq Kərimov 1971-ci il avqustun 3-də Qax rayonunun Oncallı kəndində anadan olub. O, 1993-cü il aprelin 2-də Füzuli rayonunun Qacar kəndi istiqamətində gedən döyüşlərdə itkin düşmüş sayılırdı.
 


Tural Rasimoğlu, Bizim.Media, Şimal-Qərb bürosu

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO