Lənkəran şəhərində bıçaqlanma hadisəsi baş verib.
Bizim.Media xəbər verir ki, hadisə səhər saatlarında şəhərin "Böyük Bazar" adlanan ərazisində qeydə alınıb.
Məlumata görə, Lənkəran rayonunun Osaküçə kəndində yerləşən “Pambayi” istirahət mərkəzinin müdiri, 1977-ci il təvəllüdlü Firad Səyad oğlu Həbibov bıçaq xəsarətləri alıb.
Ona ümumilikdə beş bıçaq zərbəsi endirilib. Yaralı dərhal Lənkəran Rayon Mərkəzi Xəstəxanasına çatdırılıb və ilkin tibbi yardım göstərildikdən sonra cərrahi əməliyyata götürülüb.
Hazırda faktla bağlı araşdırma aparılır.
Sabutay, Bizim.Media, Cənub bürosu
