Aktivləşdirilmiş kömür (karbon) tez-tez həzm problemlərindən dəri səpgilərinə qədər bir sıra pozğunluqlara kömək edə bilən super bir vasitə kimi təqdim olunur.
Bizim.Media xəbər verir ki, London Kral Kollecinin diyetoloqu Sofiya Medlin insanların həkim tərəfindən tövsiyə olunmadığı halda, aktivləşdirilmiş kömür qəbul etməməsinin səbəbini açıqlayıb.
Mütəxəssisin fikrincə, aktivləşdirilmiş karbonun uducu xüsusiyyəti onu orqanizmi zəruri qida maddələrindən məhrum edə bilən məhsula çevirir.
"Kömür vitaminləri, mineralları və antioksidantları mənimsəyir. Nəticədə faydalı qidalar orqanizm tərəfindən sorulmaq əvəzinə, karbon hissəciklərinə "yapışaraq" zərərli maddələrlə eyni şəkildə xaric olur".
Dərman qəbul edərkən aktivləşdirilmiş kömür qəbul etmək təhlükəlidir. Karbonun onları udması səbəbindən dərmanların sadəcə bədənə təsir göstərməyə vaxtı qalmır.
Bir anda böyük miqdarda dərman qəbul edə bilməzsiniz. Bu vəziyyətdə həzm sisteminə zərər vermə riski artır - bağırsaqlar bloklana bilər, ürəkbulanma və qəbizlik baş verir.
Aktivləşdirilmiş karbon zərərli maddələrdən xilas olmaq üçün əla vasitə kimi qiymətləndirilir. Mütəxəssis bildirib ki, kömür yalnız o halda faydalı ola bilər ki, toksinlər orqanizmə yeni daxil olub.
"Alkoqoldan və ya dünən gecə köhnə yeməkdən zəhərlənməni kömürlə detoks etməyə çalışmaq mənasızdır. Çünki toksin qana çoxdan daxil olub”. (Medicina.az)
Bizim.Media
