Cəlilabad şəhərində qətl hadisəsi baş verib.
Bizim.Media-nın yerli bürosu xəbər verir ki, 1988-ci il təvəllüdlü Hüseynov Bəhruz Ədalət oğlu ürək nahiyəsindən aldığı bıçaq xəsarəti nəticəsində həyatını itirib.
Hadisə axşam saatlarında rayonun “Kirovka” adlanan ərazisində qeydə alınıb. İlkin məlumata görə, Bəhruz Hüseynov yaşadığı evin giriş qapısında bıçaqlanıb.
Yaralı Cəlilabad Rayon Mərkəzi Xəstəxanasına çatdırılsa da, həkimlərin səylərinə baxmayaraq, onun həyatını xilas etmək mümkün olmayıb.
Qeyd edək ki, qətlə yetirilən şəxs avtomobil təmiri ilə məşğul olurdu.
Faktla bağlı hüquq-mühafizə orqanları tərəfindən araşdırma aparılır.
Sabutay, Bizim.Media, Cənub bürosu.
