Ucarda iri tonnajlı yük avtomobili yanıb.
Bizim.Media-nın Aran bürosu xəbər verir ki, hadisə Bakı-Qazax əsas magistral yolunun rayonun Ramal kəndindən keçən hissəsində qeydə alınıb.
Belə ki, Hacıqabul rayon sakini, 46 yaşlı Marif Bayramovun idarə etdiyi pomidorla yüklənmiş "Mercedes" markalı yük avtomobili anidən alışıb.
Dərhal hadisə yerinə FHN-in Ucar rayon yanğından mühafizə hissəsinin canlı qüvvəsi və texnikası cəlb olunub.
Yanğın zamanı avtomobildə olan 21 ton pomidorun 4 tonu yanaraq yararsız hala düşüb.
Yükün qalan hissəsi və yük avtomobili yanğından mühafizə olunub.
İlkin məlumata görə, pomidorla yüklənmiş "TIR" Şəmkirdən Rusiyaya gedirmiş. Hadisəyə kondisionerdə baş verən nasazlıq səbəb olub.
Fakt araşdırılır.
Bizim.Media, Aran bürosu
