Bu gün Azərbaycan Respublikasının Konstitusiya aktının qəbul edildiyi gündür.
Bizim.Media xəbər verir ki, dövlətimizin ana qanunu 12 noyabr 1995-ci ildə qəbul edilib. Noyabrın 27-dən qüvvəyə minib.
Bu müstəqilliyimizin bərpasından sonra ilk Konstitusiyamızdır.
Azərbaycanın ilk Konstitusiyası 1921-ci il mayın 19-da I Ümumazərbaycan Sovetlər Qurultayında qəbul edilib.
1925-ci il martın 14-də isə IV Ümumazərbaycan Sovetlər Qurultayında Azərbaycan SSR Konstitusiyasının 1921-ci il SSRİ Konstitusiyasına uyğunlaşdırılmış yeni redaksiyası qəbul edilib.
Azərbaycan SSR-nin son Konstitusiyası 1978-ci il aprelin 21-də qəbul edilib.
Müstəqilliyimiz bərpa edildikdən sonra yeni Konstitusiya layihəsi 1995-ci ildə ümumxalq müzakirəsinə verildi.
1995-ci il noyabrın 12-də ümumxalq referendumu ilə müstəqil Azərbaycan Respublikasının ilk Konstitusiyası qəbul olundu.
Azərbaycan Konstitusiyası 5 bölmədən, 12 fəsildən və 158 maddədən ibarətdir.
Konstitusiyaya 24 avqust 2002-ci ildə, 18 mart 2009-cu ildə və 26 sentyabr 2016-cı ildə referendum yolu ilə əlavə və dəyişikliklər edilib.
12 noyabrın Konstitusiya Günü kimi elan edilməsi 1996-cı il fevralın 6-da Prezident Heydər
Əliyevin sərəncamı ilə rəsmiləşib.
Təranə Mirzəyeva, Bizim Media
