Oğuz-Xaçmaz avtomobil yolunda yol-nəqliyyat hadisəsi baş verib.
Bizim.Media-nın yerli bürosu xəbər verir ki, VAZ-2107 markalı avtomobil sürət həddini aşması nəticəsində idarəetmədən çıxaraq yolun kənarındakı ağaca çırpılıb.
Bu zaman avtomobildəki sərnişinlər Xaçmaz kənd sakinləri Ceyhun Cəlolov və Azər Əhmədov müxtəlif dərəcəli bədən xəsarətləri alıblar.
Hər iki şəxs Oğuz Rayon Mərkəzi Xəstəxanasının Təcili Tibbi Yardım Şöbəsinə yerləşdirilib. Hazırda onların müayinəsi aparılır, vəziyyətləri orta-ağır qiymətləndirilir.
Faktla bağlı Oğuz Rayon Polis Şöbəsində araşdırma aparılır.
Tural Rasimoğlu, Bizim.Media, Şimal-Qərb bürosu
