Lənkəran şəhərində yol-nəqliyyat hadisəsi baş verib, avtomobil idarəetmədən çıxaraq su kanalına düşüb.
Bizim.Media-nın yerli bürosu xəbər verir ki, hadisə axşam saatlarında Səttərxan küçəsində qeydə alınıb.
Lənkəran sakini, 1987-ci il təvəllüdlü Ülkər Əziz qızı Əsədova idarə etdiyi “Chevrolet Cruze” markalı avtomobillə hərəkətdə olarkən sükan arxasında nəzarəti itirib. Nəticədə maşın yol kənarındakı suötürücü kanala düşüb.
Qəza zamanı qadın sürücü müxtəlif dərəcəli bədən xəsarətləri alıb və dərhal Lənkəran Rayon Mərkəzi Xəstəxanasına çatdırılıb. Yaralıya ilkin tibbi yardım göstərilib.
Bundan əlavə, avtomobilin aşması nəticəsində kanalın üzərindən keçən yüksək təzyiqli qaz xətti də qismən zədələnib.
Hazırda hadisə ilə bağlı araşdırma aparılır.
Sabutay, Bizim.Media, Cənub bürosu.
