Lənkəranda toy yasa çevrilib.
Bizim.Media xəbər verir ki, Cəlilabad rayon Qarayar kənd sakini 1976-cı il təvəllüdlü Səyyad Qılınc oğlu Yaqubov Lənkərana bacısı qızının toyuna gedib.
S.Yaqubov toyda özünü pis hiss edib. Yaxınlarından xahiş edib ki, onu yaxınlıqdakı aptekə aparsınlar. Aptekdə dərman qəbul edib. Bundan sonra onun halı pisləşib və təcili olaraq Lənkəran rayon mərkəzi xəstəxanasının təcili yardım şöbəsinə çatdırılıb.
Həkimlər ona kardiak-arrest (ürəkdayanma) diaqnozu qoyublar və zəruri ilkin tibbi xidmətlər göstəriblər. Göstərilən bütün səylərə baxmayaraq S.Yaqubovun həyatını xilas etmək mümkün olmayıb.
Meyit aidiyyəti üzrə təhvil verilib.
Faktla bağlı araşdırma aparılır. (Unikal)
Bizim.Media
