“TikTok”la bağlı DƏHŞƏTLİ FAKTLAR: Azyaşlı qızların açıq-saçıq videolarından pul qazanır

"TikTok" 15 yaşından kiçik yeniyetmələrin iştirak etdiyi açıq-saçıq məzmunlu videolardan pul qazanır.

Bizim.Media xəbər verir ki, bu barədə xarici mətbuat məlumat yayıb.

Keniyadan olan üç qadın jurnalistlərə bildirib ki, onlar yeniyetmə yaşlarında açıq-saçıq məzmunlu videolar yaymağa başlayıblar. Onlar digər messencerlər vasitəsilə göndərdikləri daha açıq məzmunlu kontent üçün ödəniş almaq və onu açıq şəkildə reklam etmək üçün “TikTok”dan istifadə etdiklərini təsdiq ediblər.

Daha əvvəl məlum olub ki, “TikTok” yayımlarla bağlı bütün sövdələşmələrin təxminən 70%-ni alır.

Sosial şəbəkənin moderatorları bundan xəbərdar olduqlarını bildiriblər. Keniyadan olan keçmiş işçilərdən biri bildirib ki, şirkət üçün açıq-saçıq məzmunlu paylaşımları dayandırmaq sərfəli deyil, çünki yayım zamanı nə qədər çox insan hədiyyə versə, “TikTok” o qədər çox gəlir əldə edir.

Məlumata görə, Keniyadan olan canlı yayımlar sosial mediada populyardır. Bununla bağlı araşdırma aparan jurnalistlər bir həftə ərzində hər axşam bütün dünyada yüzlərlə insan tərəfindən izlənilən və qadınların cəlbedici rəqslərinin əks olunduğu onlarla video tapıblar.

Görüntülərdə qızlar izləyiciləri yayımı bəyənməyə və sonradan pula çevrilə bilən hədiyyəli smayliki klikləməyə çağırır. Həmçinin “TikTok” həmin qızlara fərdi istəklə açıq-saçıq məzmunlu mesaj yazmağa imkan yaradıb.

“ChildFund Keniya”nın məlumatına görə, belə yayımlarda tez-tez 9 yaşında olan uşaqlar iştirak edirlər. Bəziləri buna gündə təxminən 6-7 saat sərf edir və təxminən 30 funt qazanır. Bu pul onların bir həftəlik yemək və nəqliyyat xərclərini ödəməyə kifayət edir.

Nəşr həmçinin 18 yaşdan kiçik istifadəçilərə sosial şəbəkənin yaş məhdudiyyətlərindən keçərək canlı yayıma çıxmağa kömək edən “rəqəmsal sutenyorlar” aşkar edib. Bunun müqabilində vasitəçilər həmin istifadəçilərin qazanclarının bir hissəsini alırlar. Üstəlik, bu cür əlaqələr tez-tez istismara çevrilir.

Bizim.Media