MİXƏK YAĞI - depressiyanın dərmanı

Aromaterapiya bir çox xəstəliklərin qarşısını ala bilər.

Bizim.Media medicina.az-a istinadən xəbər verir ki, aromaterapist Natalia Melnichukun mixək yağının möcüzəvi təsirindən danışıb:

“Mixək qönçəsindən alınan efir yağı güclü antibakterial xüsusiyyətlərə malik olan qiymətli məhsuldur. Bakteriya və göbələklərlə mübarizə aparmağa kömək edir. Yağ müxtəlif infeksiyaların və dəri problemlərinin müalicəsində uğurla istifadə olunur.

Eləcə də mixək yağı iltihabı azaltmağa və ağrıları aradan qaldırmağa kömək edən xüsusiyyətlərə malikdir. Oynaqların, əzələlərin və dəri xəstəliklərinin müalicəsində faydalıdır”.

Qeyd edilib ki, bu yağ əhvalınızı yüksəldir, sizi depressiyadan çıxarır və süstlük və apatiyaya qalib gəlməyə kömək edir.

Mixək yağı həzmi stimullaşdırır və qaz, şişkinlik və mədə yanması kimi mədə-bağırsaq problemləri ilə əlaqəli simptomları azaldır.

Qeyd edək ki, efir yağları konsentratlaşdırılmış məhsuldur və ehtiyatla istifadə edilməlidir. Bu məhsulları allergiyası olanlara istifadə etmək olmaz.

Bizim.Media