“Toplum TV”nin əməkdaşı, jurnalist Şahnaz Bəylərqızı həbsdən buraxılmayıb.
Bizim.Media qafqazinfo.az-a istinadən xəbər verir ki, vəkili qərarın ləğv edilməsini və jurnalistin sərbəst buraxılmasını tələb edən şikayət vermişdi.
Şikayətə bu gün Bakı Apellyasiya Məhkəməsində baxılıb.
Məhkəmə işin indiki vəziyyətində dəyişiklik olmadığını əsas gətirərək şikayəti təmin etməyib.
Qərara əsasən, birinci instansiya məhkəməsinin 3 ay 15 günlük həbs qətimkan tədbiri qərarı qüvvədə saxlanılıb.
Qeyd edək ki, Şahnaz Bəylərqızı fevralın 2-də həbs edilib. O, qaçaqmalçılıq və digər cinayətlərdə ittiham edilir.
Bizim.Media
