Kürdəmirdə ağır yol qəzası baş verib.
Bizim.Media-nın yerli bürosu xəbər verir ki, hadisə Kürdəmir- Zərdab yolunda, rayonun Ərəbxana kəndində qeydə alınıb.
Qəza zamanı VAZ 21015 və VAZ 21011 markalı minik maşınları toqquşub.
Nəticədə hər iki avtomovilin sürücüsü Rövşən Kərimov və Maxsud Maxsudov müxtəlif dərəcəli ağır bədən xəsarətləri alıblar.
Yaralılar dərhal təcili tibbi yardım maşınının köməyi ilə Kürdəmir Rayon Mərkəzi Xəstəxanasına aparılıb və həkim nəzarətinə götürülüb. Xəsarət alanlardan biri 62 yaşlı Maxsud Maxsudovun vəziyyəti daha ağır olduğundan o, dərhal əməliyyata alınıb.
Qəza zamanı hər iki nəqliyyat vasitəsi yararsız hala düşüb.
Bizim.Media, Aran bürosu.
