Zelenski uşaqlarının harada yaşadığını AÇIQLADI

Ukrayna prezidenti Volodimir Zelenskinin uşaqları Aleksandra və Kirill hazırda Kiyevdədirlər.

Bizim.Media xəbər verir ki, bu barədə Zelenski İtaliyanın “RaiNews24” telekanalına müsahibəsində danışıb.

O bildirib ki, müharibə zamanı övladlarının Ukraynada qalması digər ukraynalılar üçün nümunədir:

“Onlar (övladları – red.) paytaxt Kiyevdədirlər, digər uşaqlarla birlikdə bu müharibədən keçirlər. Çox sevinirəm ki, onlar Ukraynadadırlar. Bu, başqaları üçün nümunədir, əgər küçələrdə uşaq yoxdursa, onlar evlərində deyillərsə, biz onların gözünü görmürüksə, o zaman sual yaranır: biz kimin uğrunda mübarizə aparırıq? Biz onların, həm də öz dəyərlərimiz üçün, amma hər şeydən əvvəl, uşaqlarmızın gələcəyi üçün mübarizə aparırıq. Onların Ukraynada olması çox vacibdir”.

Qeyd edək ki, Vladimir və Olena Zelenskinin iki övladı var - 20 yaşlı Aleksandra və 11 yaşlı Kirill. Qızı Kiyevdə hüquq təhsili alır, oğlu isə məktəblidir.

Bizim.Media