Tarixdə bu gün: 29 dekabr

Hazırda oxunan: Tarixdə bu gün: 29 dekabr

227551

Dekabrın 29-da bir çox dünya şöhrətli aktyorlar, alimlər, idmançılar, yazıçılar, siyasətçilər dünyaya gəlib.

Bizim.Media xəbər verir ki, bu gün də tarixə düşən müəyyən hadisələr baş verib.

Dekabrın 29-da kimlər anadan olub?

Əzizə Cəfərzadə (1921-2003) - yazıçı, ədəbiyyatşünas, filologiya elmləri doktoru, Azərbaycanın xalq yazıçısıdır.

Madam de Pompadur (1721-1764) - ədəbi salonun sahibəsidir. O, iyirmi il ərzində dövlət işlərinə böyük təsir göstərən, elm və incəsənətə himayədarlıq edən Fransa kralı XV Lüdovikin rəsmi sevimlisi (1745-ci ildən) olub.

Çarlz Makintoş (1766-1843) - Şotlandiya kimyaçısı və ixtiraçısıdır. O, suya davamlı parça icad etməklə "Makintoş" plaşın hazırlanması ilə tanınır.

Çarlz Qudir (1800-1860) - kauçuk vulkanizasiyasını ilk dəfə patentləşdirən amerikalı ixtiraçıdır (1844).

Con Voyt (1938) - amerikalı aktyor, "Oskar", "Qızıl Qlobus" və "BAFTA" mükafatları laureatıdır. Onun iştirakı ilə çəkilən ən məşhur filmlər: "Gecəyarısı kovboyu", "Döyüş", "Yerinə yetirilməyən missiya", "Anakonda".

Cud Lou (1972) – İngiltərənin teatr və kino aktyorudur. O, "İstedadlı mister Ripli", "Soyuq dağ", "Yaxınlıq" və s. filmlərdə rol alıb.

Dekabrın 29-da dünyada baş verən tarixi hadisələr

1708-ci ildə I Pyotrun sərəncamı ilə Rusiya ərazisi səkkiz quberniyaya bölünüb.

1768-ci ildə Rusiya İmperatriçası II Yekaterina kağız əskinaslarını tətbiq edib.

1998-ci ildə Azərbaycan Milli Məclisi (parlamenti) Naxçıvan Muxtar Respublikasının yeni konstitusiyasını təsdiq edib.

1998-ci ildə Bakının dənizkənarı bulvarı milli park statusu alıb.

1999-cu ildə ümummilli lider Heydər Əliyev Azərbaycan Respublikası Dövlət Neft Fondunun yaradılması haqqında sərəncam imzalayıb.

2006-cı ildə Azərbaycan Prezidenti İlham Əliyev Bakıda Heydər Əliyev Mərkəzinin yaradılması haqqında sərəncam imzalayıb.

2012-ci ildə Azərbaycanda Vətəndaşlara Xidmət və Sosial İnnovasiyalar üzrə Dövlət Agentliyi və 1 nömrəli "ASAN xidmət" mərkəzi fəaliyyətə başlayıb. Mərkəzlərin fəaliyyəti operativlik, şəffaflıq, düzgünlük və rahatlıq prinsiplərinə əsaslanır.

Bizim.Media