Gələn ilin ilk maqnit qasırğası yanvarın 5-də gözlənilir.
Bizim.Media xəbər verir ki, bu barədə Günəş Astronomiya Laboratoriyası məlumat yayıb.
Yanvarın 10, 16 və 19-da da həyəcanlı maqnitosfer hadisələri proqnozlaşdırılır. Bununla belə, maqnit qasırğaları zəif olacaq.
Eyni zamanda ekspertlər xəbərdarlıq edirlər ki, proqnoz yanvarın 23-dək tərtib edilib və dəyişdirilə bilər.
Xatırladaq ki, dekabrın 10-da Günəşdə M sinifli güclü parlama baş verdi. Onun müddəti 19 dəqiqə çəkib. Bu fenomen HF radio rabitəsinin pozulması ilə müşayiət olunub.
Bundan əvvəl dekabrın 8-də Günəşdə ən yüksək dərəcəli X və M olan iki alışma aşkar edilmişdi.
Bizim.Media
