Göygöldə güclü yanğın hadisəsi qeydə alınıb.
Bizim.Media-nın yerli bürosunun məlumatına görə rayonun Qırıqlı kəndində kənd sakininə məxsus ümumi sahəsi 220 kv metr olan iki mərtəbəli 8 otaqlı evdə yanğın başlayıb.
Əraziyə FHN-nin Göygöl rayon dövlət yanğından mühafizə hissəsinin yanğın söndürən texnikaları və briqadaları cəlb olunub.
Hadisə zamanı ümumi sahəsi 220 m² olan zirzəmidən ibarət evin yanar konstruksiyaları, bitişik ümumi sahəsi 130 m² olan talvarın taxta atmaları və bitişik tikilinin damına yığılan 300 kiloqram ot bağlaması yanıb. Tikili və ot bağlamalarının qalan hissəsi yanğından mühafizə olunub. Yanğın söndürülüb.
Faktla bağlı müvafiq qurumlar tərəfindən araşdırma aparılır.
Məqsəd Rəhimov, Bizim.Media, Qərb Bürosu
