Kürdəmirin sabiq deputatı Fərhad Həsən oğlu Qəribov Bakıda öz evində dünyasını dəyişib.
Bizim.Media-nın Aran bürosu xəbər verir ki, Fərhad iki çağırış Milli Məclisin Kürdəmirdə seçilmiş deputatı olub
Fərhad Həsən oğlu Qəribov 1952-ci il iyunun 20-də Kürdəmir rayonunun Muradxan kəndində anadan olub. Azərbaycan Politexnik İnstitutunun hidromeliorasiya fakültəsini bitirmişdir. 1 kitabın müəllifidir.
1974-cü ildən Azərbaycan Meliorasiya və Su Təsərrüfatı Nazirliyi Şirvan qışlaqlarının su ilə təminatı sisteminin istismarı idarəsində mühəndis işləyib.
1977-ci ildən "Muğanmeliorasiyasutikinti" Trestinin tikinti-quraşdırma idarəsində usta, iş icraçısı, böyük iş icraçısı, rəis müavini, rəis, 1985-ci ildən "Kəndtikinti" Trestinin tikinti-quraşdırma sahəsində iş icraçısı, baş mühəndis vəzifələrində çalışıb.
Fərhad Qəribov anadan olduğu Kürdəmir rayon Muradxan kənd qəbiristanlığında dəfn olunacaq.
Bizim.Media, Aran bürosu
