Göygöldə avtomobilin aşması sürücünün həyatını itirməsi ilə nəticələnib.
Bizim.Media-nın yerli bürosunun məlumatına görə hadisə rayonun Çaykənd kəndi ərazisində baş verib.
Hərəkətdə olan “Niva” markalı avtomobilin aşması nəticəsində sürücü, 1997- ci il təvəllüdlü Hikmət Hacıyev hadisə yerində ölüb. Avtomobildə olan iki nəfər isə xəsarət alıb. Onlar xəstəxanaya yerləşdirilib. İlkin versiyaya görə qəzanın baş verməsinə səbəb yüksək sürət olub.
Qeyd edək ki, qəzada ölən sürücü vətən müharibəsinin qazisidir.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
