BİZİM TƏQVİM: 14 dekabrda baş vermiş tarixi hadisələr

1928-ci ilin bu günündə Azərbaycanda ilk Zoopark yaradılıb.

Bəs, 14 dekabrda daha nələr baş verib?

1. Alabama 14 dekabr 1819-cu ildə ABŞ-ın 22-ci ştatı olub.

2. 14 dekabr 1812-ci ildə Napoleonun Rusiyaya yürüşü biabırçı məğlubiyyətlə sona çatıb.

3. 14 dekabr 1825-ci ildə Rusiyada dekabristlər üsyanı baş verib.

4. 1900-cu ilin bu günündə Alman fizik Maks Plank Kvant nəzəriyyəsini açıqlayıb.

5. Dekabr 1911-ci ildə Norveç səyyahı Amundsen Cənub qütbünə çatan insan kimi tarixə düşüb.

6. 14 dekabr 1939-cu ildə Finlandiyanı işğal etdiyinə görə SSRİ Millətlər İttifaqından qovulub. 

7. 14 dekabr 1947-ci ildə “Real Madrid” klubunun doğma stadionu olan “Santyaqo Bernabeu”da ilk futbol oyunu keçirilib.

8. 2004-cü ilin 14 dekabrında dünyada ən hündür nəqliyyat körpüsünün - Viaduk Miyonun açılışı olub.

9. 14 dekabr 2015-ci ildə Azərbaycanda Milli Təhlükəsizlik və Xarici Kəşfiyyat Xidmətləri təsis edilib. 

Dekabrın 14-də bu şəxsiyyətlər xatırlanır:

1. Dünya şöhrətli musiqiçi Rəşid Behbudov 14 dekabr 1915-ci ildə anadan olub. 44 yaşında SSRİ Xalq artisti fəxri adını alan Rəşid Behbudov, Sosialist Əməyi Qəhrəmanı, Dövlət mükafatı lauriatı, SSRİ və Azərbaycan SSR Ali Sovetinin deputatı olub. O öz mahnıları ilə Azərbaycanı bütün dünyada uğurla təmsil edib və sevdirib. Xüsusilə, məşhur “Arşın mal alan” opera-filminə görə gənc yaşlarından bütün dünyada tanınıb.

2. Görkəmli alim Xudu Məmmədov da məhz bu gün dünyaya göz açıb. O, 1927-ci ilin 14 dekabrında doğulub. Azərbaycanda milli şüurun oyanmasında onun çox böyük rolu olub. 

3. 14 dekabr 1929-cu ildə Ədəbiyyatşünas, filologiya elmləri doktoru, tərcüməçi Dilarə Əliyeva (1929-1991) Tiflisdə doğulub. “Nizami və gürcü ədəbiyyatı” mövzusunda tədqiqatları var, gürcü ədəbiyyatından tərcümələr edib. Ali Sovetin deputatı olub.

4. 14 dekabr 1938-ci ildə Əməkdar incəsənət xadimi, rejissor Nazim Abbasov (1938 – 16.9.2000) Lənkəranda anadan olub. Bədii (“Dvorjakın melodiyası”), sənədli və televiziya filmlərinin rejissoru olub.

5. Azərbaycanın Milli Qəhramanı, şəhid Əliyar Əliyev 14 dekabr 1957-ci ildə anadan olub.

6. Vətən müharibəsi qəhrəmanı İzzət Balacayev də məhz bu gündə dünyaya göz açıb. Baş leytenant İzzət Balacayev 14 dekabr 1993-cü ildə anadan olub.

7. Fransalı astroloq Nostradamus da 14 dekabr 1503-cü ildə doğulub.

8.  Azərbaycanın Xalq artisti Qədir Rüstəmov 14 dekabr 2011-ci ildə dünyasını dəyişib.

9. Bəstəkar, Azərbaycanın Xalq artisti Azər Rzayev 2015-ci ilin məhz bu günündə vəfat edib.

10 . ABŞ-ın prezidenti Corc Vaşinqton 14 dekabr 1799-cu ildə ölüb.

11 . Məmluk sultanı Səlahiddin Xəlil 1293-cü ilin 14 dekabrında dünyasını dəyişib.

Surxay Atakişiyev, Bizim.Media