Horadiz-Ağbənd dəmir yolunun inşası ilə bağlı işlərin 60 %-i yerinə yetirilib.
Bizim.Media xəbər verir ki, bunu jurnalistlərə açıqlamasında “Azərbaycan Dəmir Yolları” QSC-nin rəhbəri Rövşən Rüstəmov bildirib.
Onun sözlərinə görə, tunellərin biri artıq tam bitib, ikinci tuneldə qazıntı işləri aparılıb:
"Demək olar ki, Horadiz-Ağbənd dəmir yolu ilə bağlı bütün layihə işləri bitib və tikinti davam etdirilir".
R. Rüstəmov həmçinin əlavə edib ki, Bərdə-Ağdam layihəsində yol artıq tamamlanıb:
"Hazırda Ağdam avtovağzalı və dəmir yolu vağzalı kompleksinin ikinci mərhələsi həyata keçirilir.
Növbəti aylara qədər kompleksin tamamlanması gözlənilir".
Bizim.Media
